Zac Efron-i ‘Baywatch’ nung shilem agitsü

August 11, 2015: “High School Musical” star Zac Efron-a “Baywatch” movie nung densema Dwayne “The Rock” Johnson den külemi shilem agitsü.

Hollywood Reporter osang ajanga ashiba agi, iba feature film nung temzüng kanga tesashi asütsü aser parnoki totzü ajanga takar nisung ka ket nungi parnok tzüyimküm kümzüka ayutsü asoshi, kanga süoki ia taküm kümzüksang (Johnson)-i ain-apong aketer (Efron) ka den külemi inyaksemtsüsa akümtsü.

“#BAYWATCH nung pela agizüker, kü tembar @ZacEfron. Asenok movie ji kanga tajkung asütsü,” ta Johnson-i twitter ajanga lemsatep.

Iba film ya kasa tenüng, classic TV series nung ajemdaker yanglutsü. Series nung tzüyimküm nung taküm kümzüker shitakba nung tongti shilem agirji David Hasselhoff aser Pamela Anderson na lir. Film nungji tenati-a shilem agitsü asü magitsü’ar mejangjar.

Arishi küm 27 Efron-i tesüsa R-rated comedy “Neighbors” nung shilem agia lir aser tang Baywatch nung shilem agitsü.

Tarutsü nung maneni pai “We Are Your Friends”, “Dirty Grandpa”, aser “Mike & Dave Need Wedding Dates” film tem nung shilem agitsü.