Zac o Amanda nati ‘Scooby-Doo’ nung shilem agitsü

Metsüremi/March 23 (Agencies): Scooby-Doo indang taruba ‘Scoob’ film nung Fred Jones aser Daphne Blake na shilem agidaktsütsü atema actor Zac Efron aser Amanda Seyfried naprong anisemogo, ta osang ajanga metetdaktsü.
Iba film dak sendakba nung ita tetenzüklen Will Forte-i Norville ‘Shaggy’ Rogers, Gina Rodriguez-i Velma Dinkley ola agi shilem agitsü ta sangdonga liasü. Mystery bushitetba aiur aser asangur telok ka den o jembiba azü Scooby-Doo character tem ya küm 50 tajandang animated TV series ‘Scooby-Doo: Where Are You?’ ta nüngja agütsür saya liasü. Iba series ya Hanna-Barbera-i yanglu aser 1969 küm mezüng TV nung saya tenzük.
Hanna-Barbera universe indang taruba Scooby-Doo film ya character tem longjema nisung tamajung Dick Dastardly den rara alima kümzükba indang asütsü.
Tony Cervone-i ‘Scoob’ direct asütsü. Tony-isa ‘Space Jam’, Cartoon Network’s ‘The Looney Tunes Show’ aser ‘Scooby-Doo! Mystery Incorporated’ tem direct asütsü ternemba lir. ‘Scoob’ film ya May 15, 2020 nü sayatsü.