Zarine Khan aser Hrithik Roshan na tesentaktep meraksai lir

New Delhi, August 19 (Agencies) : Sussanne Khan aser Hrithik Roshan na bala-aka Zarine Khan aser Hrithik na tesentaktep meraksa lir.

Zarine Khan-i ashiba agi Hrithik tena tetsü aser jabaso ama lir.

Küm 17 tashi Hrithik aser Sussanne na liyonga arur 2014 nung tena bala. Ajisüaka taoba hopta tu Hrithik-i Twitter nung Zarine-i züluba kaket ka ajungkettsü. Iba mapang Hrithik-i Zarine dang ‘oja’ ta aja.

“Küm aika küna medemer ama arur. Pa ozü semchir indang tebu lir aser taküm piyong atema iba tesentaktep tajung alitsü” ta actor Sanjay Khan kinüngtsü Zarine-i ashi.

“Tena balaba mapang Sussanne-i kanga dang süngjema agizük aser iba atema la nem tenüngsang agütsür. Onok kibong ka lir aser teti atema yamaji dang alitsü” ta laisa shisem.

Zarine-i “Family Secrets: The Khan Family Cookbook” ta ser mezüngbuba kaket ka zülua sayaogo.