Zayn Malik-i Graham Norton sentong nung shilem magitettsüsa akümer

London, January 28 (Agencies): Britain nunger kentener & kenzülur, Zain Malik-i Graham Norton television sentong nung shilem magitettsüa akümba osang ka metetdaktsüogo.

Taoba One Direction kentener telok züngsem, Malik-i kasa mapang nung maparen balala inyaktsütsüa akümba yong pai Graham Norton television sentong nung shilem magitettsüsa akümba osang jangjaogo.

“Malik tang kanga mazüngi par tesüsaba kensep adoktsü maparen teinyak aliba yong pai Graham Norton television sentong nung shilem magitetsüsa akümer,” ta Mirror osangia metetdaktsü.

‘Night Changes’ hit kentener, arishi küm 23 tain Malik-i Hollywood actor, Will Smith aser Ryan Reynolds na densema, ‘Dad’s Army’ film nung tongti shilem agirtem den aroki television sentong nung shilem agitsü sentong mezüngbo renema liasü.