Zayn Malik-i kija kentenba nung takok mangutsü tsübur

London March 22, 2016 : Taoba mapang nüngtugu boyband kentener telok ‘One Direction’ nung dena alisang, kentener Zayn Malik-i, ni kija kentenba nung takok mangutsü tsübua bilemer, ta ashi.

Arishi küm 23 tain, “Pillow Talk” ken atensang, Malik-i, pa wadang nung bilemba ama takok mongura süngjem süngjema alitsü, ta ashiba Female First osang ajanga metetdaktsü.

“Ni inyakba ajak nung tajangzük alitsü asü malitsüar ni kanga bilemdanga shisadanger. Tangaria iba amaji bilemdanger asü mebilemdangerar ni memetet,” ta pai ashi.

“Iba amaji bilemdangyonga aodang khen khenbo kanga shisa bulua aiter. Ajisüaka ni tang kechi nung amtaka lir iba nungji takok angutsü shisa dangi arur. Ni tang ken zülua mejemdar aser iba mapa kanga jangraseta inyaker,” ta paisa ashi.