Zayn Malik-i TV show tasen ka nung shilem agitsü

London, November 07, 2016 : Kentener Zayn Malik tang ya television series tasen “Boys” nung shilem agitsü asoshi jembiba mapang ka lir. Ibai tebur kentener telok ka takok ngua lungjemba otsü nung ajemdaker yangluba lir.
Tesüiba mapang One Direction telok nung kentener, arishi küm 23 tain, Zyan-i “Law & Order” yanglusang Dick Wolf aser kinungtsü Noelle na den lokteper executive-produce ka ama iba show nung yariteptsü, ta Femalefirst osang ajanga metetdaktsü.
Zyan-i pa den külem producer tem den ‘Boys’ otsü indang episode anashi nung adentsü jembitsü tenzükogo.
“Pai pa dak film nung shilem agitsü sempet aliba amshi tenzüktsü kanga jangrar aser tang ya maongka tajung lir kechiba süra iba otsü nung puraputi mapatem ajak nung pa shilem lir,” ta osang ka ajanga metetdaktsü.
“Tang iba sentong atema kanga nüngdaka jembidar aser pai executive producer mapa kanga shishia agir. Iba sentong nung adenba ajanga tarutsü mapangtem nung pa atema TV aser film tem tsütsü lenmang lapoker,” ta kasa osang ajanga ashi.