Zayn Malik madenba kenten sentongtem tajungba liasü: Harry Styles

July 05, 2015: Nüngtugu kentener telok One Direction nung züngsem Harry Styles-i, March ita (March 25) nung Zayn Malik-i telok toktsüba sülen kenten sentong tajung kar agiogo, ta ashi.

March 25, 2015 nü Malik-i telok toktsüaka British nunger tebur temeja kentener telok One Direction-i maneni kenten sentong kaa arudagi aser Entertainment Weekly den jembidang Styles-i, Malik meliaka parnoki takok nuguyonga arudagi ta ashi.

“Europe nung kenten sentong aika junga agiogo. Item rongnung karbo onoki shilem agia aruba rongnungi tajungtibatem liasü,” ta pai ashi.

Styles-i ashiba agi, parnok setlist nung temelenshi mali aser Malik-i indang shilem aika Liam Payne-i agidagi, item rongnung Story of My Life ken nung kijai atenba shilem densema lir.

Paisa, “Temelenshi ka agibaji, Zayn-i atenba part ji nisung balalai agir. Iba dak alia kenten sentong junga odagi. Story of My Life ken agienra jenjang mejungla. High note temji Liam-i atener,” ta paisa ashi.