ZDLSA-i legal awareness ayonga agi

Dimapur, June 04 (TYO): June 03, 2017 nü Town Hall, Aghunato Town nung Zunheboto District Legal Services Authority (ZDLSA)-i ayongzüka Aghunato Sub-divisional headquarters nung aliba sensotem atema legal awareness aser sensitization programme ka katsüogo.
Iba sentong nung shisalen sayurtemji- District & Sessions Judge aser Chairman ZDLSA, Niechochiyi Suyie, Public Prosecutor Zunheboto, Khetoholi Yepthomi, Panel Lawyer ZDLSA, Easter H. Yepthomi aser Retainer Lawyer ZDLSA, Tovi Z. Yeptho nunger liasü, aser Panel Lawyer ZDLSA, Akato Yepthomi-i anküp o jembi.
Kasa sentong nungsa Assistant Public Prosecutor Zunheboto, Katoli Chishi leniba nung shilem agirtem den shisalemsatepba sentong kata agisema liasü.
Iba sentong nung Aghunato ADC, Phuleshe K. Yepthomi-i iba sentong omen nung ajemdaker o tatsüka jembia liasü.
Legal awareness sentong nung ya Arogo lenirtem, yimtsüyimbutem, tetsürtem, police ketdangsertem, sorkar ketdangsertem aser sensotemi shilem agia aden.
Iba sentong ya Judicial Magistrate First Class aser Secretary ZDLSA, Atoka Achumi leniba nung agia liasü.