ZDLSA-i legal services scheme sentong den otsüno tetoktepba katsü

Zunheboto, July 21 (TYO): July 21, 2017 nü Zunheboto Legal Services Authority (ZDLSA)-i Government Higher Secondary School Zunheboto nung Child Friendly Legal Services Scheme (NALSA Scheme 2015) indang legal awareness sentong katsüba den külemi Fundamental rights & duties onük nung otsüno (essay) tetoktepba ka ayongzüka agi.
Child friendly legal services scheme (NALSA Scheme 2015) onük nung jembidang Panel lawyer ZDLSA, Kr. Easter H. Yepthomi-i tanurtem temeten balala aser temzüng kübok ozüng balala indang metetdakja liasü.
Ano Legal cum Probation Officer DCPU Zunheboto, Kr. Khetoholi J. Yeputhomi-ia Juvenile Justice Act, POCSO Act aser tanurtem mapa tasak inyakdaktsüba nokdangba indang metetdaktsü. Laisa tanurtem anema ozüng alema benshiba ken otem agütsüba inyakyim aser item ama takoksa angur tanurtem atema teyari balala indang lemsatepa liasü.
Khetoholi-isa Child Welfare Committee Zunheboto-i tanurtem atema inyaktsüba maparen balala metetdakja liasü.
Otsüno tetoktepba nung kaketshir 15-i shilem agi aser takok angurtemji mezüngbuba jenjang nung takok angur Ily Awomi aser tanabuba o tasembuba jenjang nung takok angurji Hito N Yeptho aser Mughalika na liasü.
Iba sentong nung class 11 aser 12 kaketshirtem den tesayurtem dena liasü.
Sentong nungsa Legal literary booklets lema agütsü.