ZDLSA, TDLSA, KDLSA-i Observation Home aser Mental hospital semdang

Dimapur, August 17 (TYO): August 17, 2017 nü Zunheboto District Legal Services Authority (ZDLSA) aser Tuensang District Legal Services Authority (TDLSA)-i peipei district nung observation home semdang aser Kohima District Legal Services Authority (KDLSA)-i Kohima Mental Hospital semdanga liasü.
ZDLSA team nungji N. Suyie, District & Session Judge aser Chairman ZDLSA aser Atoka Achumi, Judicial Magistrate First class & Secretary ZDLSA nunger den Legal Cum Probation Officer, District Child Protection Unit Zunheboto aser Retainer Lawyer ZDLSA nunger liasü.
Observation home nung Superintendent aser Subordinate staffs den o lemtepa mapang tatsüka agia liasü.
TDLSA team-ia itashia semdangba sentong dak sendakba nung Observation home semdang, aser shisa lemsatepba mapang nung Judicial Magistrate First Class Tuensang & secretary TDLSA, N. Kano-i official tongtepratep ajanga amalitepa inyaktsü atema lemsatep. Tang iba home nung Juveniles ana lir.
Kasa anogo nungsa KDLSA-i State Mental Health Institute Kohima semdanga liasü, aser mental hospital staff tem den sentong tatsüka agidang MO, Dr. Viketoulie-i shisatsü mesüra metokmeperi agi shirangertem bendanga amshiba anema inyaktsü ya tayongzükba mapa tulu ka lir, anungji iba atema awareness agütsütsü nüngdak, ta metetdaktsü.
Kasa sentong nung Dr. Wapang, MS, SMHI, Wapanginla Kichu, Panel lawyer KDLSA aser Thejapfutuo Retainer KDLSA nungeria onük balala nung jembia liasü.
Iba sentong ya Nancy Lotha, panel lawyer KDLSA leniba nung agi.