Zebronics-i ‘Splash’ wireless speaker sayaogo

Mongputeni/October 09 (Agencies): ‘Splash’ ta nüngja agütsüba portable speaker ka Zebronics-i sayaogo. Boombox mesükba speaker nung connectivity option aika keta aliba angutsü. Iba den külemi speaker tezülen naprong nung passive drive tem inoka yanglutsüogo.
Speaker tema nung control button tem keta lir aser tamshirtemi mode, media mesüra volume tem melena amshitettsü.
Tamshirtemi pei indang smartphone mesüra Micro SD card, AUX mesüra USB ajanga music tem angatettsü. Phone ajanga call asütsü mesüra langzüktsü atema speaker nung ‘call button’ balak aketa aliba angutsü. Iba den külemi radio angatsü jangrartem asoshi speaker nung built-in radio function inoksema yanglutsüogo.
Wire maketba portable speaker ya India ajak nung retail store tem ajanga angutsü. Splash speaker jenjang ya sentsü tanak nung angutsü aser device jenjang ya sen 1,999 asütsü.