Zeliangrong Union (AMN)-i PM Modi dang pelar

Imphal, October 18 (Agencies) : Nüjiso atema rarar Rani Gaidinliu sor küm 100 ajungba benjung amungba atema Zeliangrong Union (AMN)-i Prime Minister Narendra Modi aser par sorkar dang pelaba metetdaktsü.
ZU sangdong ka nung ashiba agi, parnoki sorkar dang Rani Gaidinliu’er tasoyim nung la nem tetushi agüja nüngshilung ka yanglutsü ayongzükogo.
ZU-isa Tamenglong headquarters nung Gaidinliu nem tetushi agüja la sor küm 100 ka ajungba benjung amungtsü sentong lir, ta sangdong nung shia lir.
Rani Gaidinliu dak sendakba ken o ajak asoshi kiburji ZU (AMN) lir. Laji luden mesüra state shinga atema masü, lai Northeast India ajunga tenüng nung British nunger anema rara, ta Zeliangrong Union (AMN) sangdong nungsa metetdaktsü.
Gaidinliu sor küm noklang ka ajungba nüngtem nung yimtsüng/telok mesüra luden balalai sentongtem ayongzüka agiba pela agizüker saka Zeliangrong nunger ajangazüktsü mechi nung iba nüngtem nung tenlatenji saruba anentsü metetdaktsür, ta ZU (AMN) sangdong nungsa shia lir.