Zero Boys A aser Brotherhood CC-i kokogo

Dimapur, June 23 (TYO): MDCA Inter Club T20 Cricket Tournament nung Zero Boys A telok nungi Bendangtemsüi run 29 yanglua par telok-i Jovial telok kokogo. Run 119 arishiba nung ball 6 anunga lia parnoki iba asaya akok.
Zero Boys A puri toss akokba sülen mezüng ball anotsü asoshi shimtet aser parnoki over 20 nung Jovial pur wicket 8 tugudaktsür run 118 yangludaktsü. Parnok rongnungi Bendangtemsüi run 20 zükdaktsür wicket 3 agi aser Tekatemsüia run 23 zükdaktsür wicket 2 agi. Jovial pur rongnungi Temjentoshi run 33 yanglu aser Meyamereni run 26 yanglu.
Run 119 arishi tenzükba nung Zero Boys A puri junga tenzük saka teyong nung wicket kar kara kara out asüba ajanga asaya kanga jangratemtsüka kümdaktsü. Ajisüaka Bendangtemsüi kanga junga asayateta run 29 yangluba ajanga par teloki akok. Maneni par telok rongnung Mangyangtekaia run 27 yanglu koba nung pai four ana aser six ka azük. Jovial club nungi Moalemba wicket 2 agi aser Odiyanger aser Jangzapong nati wicket kaka agi.
Tanabuba asaya nung Brotherhood CC-i wicket 7 agi ball 33 anunga lia Gorkha Student Union madak takok angu.
Brotherhood CC nungi asayar Daniel Rai out mesüi run 30 yanglu aser Aosashi-i run 23 yanglu. Buddha Rai-i wicket ana agi aser Bir Bahadur-i wicket ka agi.
Asaya nung Gorkha Student Union pur mezüng batting asü aser opener temi kanga junga asayaa over 10 nung run 78 yanglu. Ajisüaka Sunil Gurung shibai run 21 yanglu, pa out asüba sülen nungi GSU pur out asü tenzük. Parnok rongnungi Nihal Rai run 61 yanglua pai dang junga asayatet. GSU puri over 20 nung wicket 6 out sür run 110 yanglutet.
Brotherhood pur rongnungi Temsutoshi aser Longkhum nati wicket anana agi.
Hombar nü asaya taoba küm final asayar Sovran CC aser Titans CC na asayatsü.
Hombarnü asaya yamai alitsü:
8:00 AM – Titans CC Vs Sovran CC
11:30 AM – Rainbow CC Vs Jovial CC