Zero Boys CC aser Zungamedem CC- kokogo

Dimapur, January 10 (TYO) : Mongulbarnü Imkongmeren Sports complex nung tang tasayadak MDCA asayamung anogo teroknü buba asayaba nung Zero Boys aser Zungamedem nati kokogo. Mezüngbuba asaya nung Zero Boys purtemi Longmiasang madak run 62 agi takok angu.
Longmiasang puri toss akok aser parnoki mezüng ball aontsü shim, saka parnoki Imlikokba tugudaktsütsü mekoki pa nem run 54 zükdaktsüba ajanga par teloki run 132 yangluba nung teyari tulu agütsü. Longmiasang telok nungi ball aoner rongnung Yarsen tajungba liasü; pai wicket 3 agi aser run 14 dang zükdaktsü. Ochijunger aser Longsenba nati wicket kaka agi.
Zero Boys purtemi over 20 nung run 132 yangluba metongjungi over 15.3 buba nung run 69 yanglur parnok ajak out asü. Longmiasang telok nungi Armeni run 24 yanglua iba asaya nung par telok nungi pai run timtiba yanglu. Longsenbaia run13 yanglu.
Zero Boys nungi Alongbai over 4 nung run 8 agütsür wicket 6 agi, aser Wadangrei over 3 nung run 7 agütsür wicket 2 agi.
Tanabuba asaya Trebuchet aser Zungamedem telok na asaya. Iba asaya ya tatembangbuba ball tashi asaya, koba nung telok anaprongla atema okoktsüba mesüra run kasa akümtsüba maongka liasü, saka Trebuchetpur wicket keeper-i aibelenba ajanga Zungamedempuri wicket 4 agi akok.
Tang tashi nung iba asayamung nung iba asaya ya ajak dang jangratemtsü aketba asaya ka liasü. Trebuchet teloki toss akok, aser mezüng bat asütsü asoshi shimtet, saka Zungamedempur Bowler temi ball kanga junga aonba den külemi fielder temi ball aika junga pua batsmen tem tugudaktsüba ajanga sadema mezükteti over 20 nung wicket 9 out asü aser run 96 ang yanglu.
Imnayangeri run 23 yanglu, aser Kalyeni run 21 yanglu. Zungamedempur bowler tem Lipokyapang, Temjentoshi, Funitchiba aser Bendangopang parnok ajaki wicket anana agi.
Zungamedempurtemi run arshi kanga junga tenzük, saka tom nung run out tem aser shot selection majungba ajanga wicket aika tuguatok. Merensunepi run 26 yanglu, aser Rongsenyangeri run 19 yanglu.
Iba asaya tatembangba over tashi asaya, kong Zungamadempur asoshi wicket 4 anunga lia akoktsü asoshi run 6 nüngdaka liasü. Asaya tatembangbuba ball nung run 2 nüngdaka liasü. Kalyenbai ball kanga junga aon aser batsmen-i mezükshi, saka wicketkeeper-i ball pupeter 4 ka yokba ajanga Trebuchet teloki iba asaya makok. Merenkaba , Vickey Ali aser Wapangtoshi Trebuchet telok nungi wicket kaka agi.
Asung asaya:
8 AM – Suzerain CC VS Zero Boys (A) CC
12 PM – Jovial vs Rainbow CC