Zhabeiu-i 2buba Invitational Snooker Championship nung takok angu

November 05, 2016 nü Q Lounge Kohima nung Q Lounge 2buba Invitational Snooker Championship nung takok angurtem den asayamung tatemnü tetushi tejaoker Ruokuobeilie dena  tangokba noksa ka yangi angur.

Kohima, November 06 (TYO) : November 4 aser 5, 2016 anogotem nung Q-Lounge Club-i UBC Kohima den achitepa aliba Q-Lounge, Dzevi Building, nung ayongba 2buba Invitational Snooker Championship nung Zhabeiu Kuolie-i takok nguogo.
Alezo Kire-i tanabuba jenjang nung takok angu. Kapani Krichena aser Ruokuongulie Kire nati tasembuba aser pezübuba jenjangtem nung takok ngua liasü.
Ruokuongulie Kire-i break point timtiba idang sempeta angu, pai point 23 ngua liasü.
Alezo Kire aser Dzieneizo Belho nati takok angurtem nem senpet, nüngo aser kuli kakettem agütsüdang Champion nem sen 10,000; Dr. Kevi Khate-i 2nd nem sen 8,000; Vimhalie Pienyü-i 3rd nem sen 5,000 aser Kusolie Yhokha-i 4th nem sen 3,000 agütsü.  Break point timba anguba atema Theruovilie Mepfhuo-i tenlaba sen 2,000 senpet agütsü.
Iba asayamung November 04, 2016 nü tenzükdang Khedi Baptist Church nung Associat Pastor Kezhachütuo-i sarasadema tenzük aser Honibar aonung Lozi Hyundai nung Managing Director, Ruokuoneilie-i takok angurtem nem sempet agütsü.