Zhadima yimdak ango metsürtem atema sentong ka agi

Kohima, November 06 (TYO): November 5, 2019 nü Zhadima yimdak Village Adoption Committee (VAC), 11th Northern Angami II A/C-i Department of Fisheries & Aquatic Resources den senteper ango metsürtem atema capacity building ka ayongzüka agiogo, ta ketdangsertem osang ka ajanga metetdaktsü.
Iba sentong nung jembidang ADC Chiephobozou aser Convenor, VAC 11 Northern Angami II, Vekhoyi Chakhesang-i Department of Fisheries & Aquatic Resources-i ango metsürtemi scientific yimya nung ango metsütsü atema training agütsüba atema pelaba lemsatep.
Paisa ango metsürtem dang ango metsüba tsütsü tali temelung agütsütsüla, ibaji ajanga rongsenkettsüng ajungkettsü, ta ashiba den külemi parnok nem agütsüba maongka ajak agitsü ayongzük.
Nenoki angazükbatemji medemertem aser yimdaklirtem den-a lemsateptsüla, ta paisa ashi.
Iba training ya DFO Kohima, C. Dory Yanthan, Mashengol Neikha FD aser Neikonuo Chakrunuo FD nungeri agütsü aser sentong nung parnoki ango metsütsü tesem shimtetbayim, ango tsübo anepaluyim, ango metsüh shimyim, Integrated farming, Planning & Economics indang tesayuba agütsü.
Parnokisa ango chiyungtsü renembayim, tzü telatet ayuba aser plankton asadangba indang sayua liasü.
Iba training nung ango metsür 15-i shilem agia aden. Parnoki iba maongka agütsüba atema department aser VAC dang pelaba lemsatep.
Iba sentong ya Kedilezo M Keditsu, Head GB, Zhadima leniba nung agi aser Khriekesa, Pastor, CRC-i sarasadema liasü.