Zhokhoi Chuzho-i FORCE 2 nung shilem agi

Kohima, Nov. 16 (TYO): John Abraham, Sonakshi Sinha aser Zhokhoi Chuzho nungeri külemi shilem agiba film- FORCE 2 Nov. 18 nü sayatsü.
Arishi küm 32 tain Zhokhoi Chuzho ya Chakhesang nunger lir, aser pa Dimapur nung soa intet.
Zhokhoi-i Thai Kick Boxing aser Wushu Martial Arts nung black belt 1st aser 2nd degree angu. Paisa 10 buba National Thaikick Boxing Championships nung National gold medal nguteta liasü.
Tanur asüdang nungi Zhokhoi-i acting jangraa liasü aser pai film kanga reprang aser school, Tenlaki aser tanga tesemtem nung jilushi balala nung shilem agi.
Mezüng pai Nagamese movies nung shilem agi aser iba sülen Doordarshan serials aser Bollywood film tem nung shilem agi. Paisa shilem agiba film temji- Dukhiya Manu, Revenge & Kushi Din (Nagamese) amala. Butterfly life, Detective Atoulie and his forensic team, Lichaba’s daughter and My brother Jack (Doordarshan) Te Amo (ano mesaya), Detective Byomkesh Bakshi aser Force 2 (Bollywood) tem lir.