New Delhi, June 19 (Agencies) : Zimbabwe nung India nunger ka tetsür tashiyim agi raksatsüba ken o nung pua lir, ta Deobarnü ketdangsertemi sangdong ka ajanga metetdaktsü.
Zimbabwe yimtiba Harare nung India nunger cricket asayar kati tetsür tashiyim agi raksatsüba ken o nung pua lir ta osangbenertemi ashiba aija jembidang, Ministry of External Affairs-i, “Onoki Zimbabwe Ambassador den jembiogo aser iba osangji khenyongi tiyazü lir. Iba tatalokba nung India nunger cricket asayar ka tanga densema mali,” ta metetdaktsü.
Tang pua alisang India nungba jagi pa tai mali ta shiogo aser pai DNA tendangtsü atema arendaka mali ta ashiba kasa sangdong ajanga metetdaktsü.
Zimbabwe nung osangbenertemi Hokolbarnü India nunger cricker asayar kati Harare nung tetsür ka tashiyim agi raksatsüba atema pua lir ta sangdonga liasü.
Tang India nunger cricket asayar telok T20 aser One-Day International (ODI) asayatsü atema Zimbabwe nung oa lir.
You must be logged in to post a comment Login