Zoe Ball aser Norman Cook nati tena balaba sangdong

September 25, 2016: TV presenter, Zoe Ball aser la kinungbu DJ, Norman Cook na kibong kumer küm 18 sülen balaba sangdongogo.
Tena indang Twitter accounts ajanga sangdong ka nung, “Küna balaogo ta künati tejashi nung sangdonger. Tesüiba küm 18 tashi künati aika külemi ajangshia aruba sülen küna tatembang kati aruogo,” ta metetdaktsü.
“Küna maneni medemer tajung asütsü aser kati ka nungittsü aser külemi tanurtem anitettsü,” ta tenatisa metetdaktsü.
Tena tanur ana- arishi küm 16 Woody Fred aser arishi küm 6 jala, Nelly May Lois sosema lir.
2003 küm Zoe-i DJ Dan Peppe den medemba ajanga tena ita ishika pilaa liasü.