Zooey Deschanel-i tanabuba Khristmas kensep sayatsü

September 16, 2016: Khristmas mongpu atongtsü lia actress aser kentener,  Zooey Deschanel-i Khristmas kensep tasen sayatsü.
2016 küm Khristmas atongtsü anogo 100 dang anünga lia Brihostibarnü (September 15) Khristmas kensep tasen sayatsü osang sangdongogo.
Zooey Deschanel aser M.Ward nati akumba She & Him-i, Christmas Party ji October 28, 2016 nü sayatsü ta sangdong. Iba ya tena indang kensep 6buba lir.
Tenati atenba ken ‘A Very She And Him Christmas’ sayaba sülen iba kensep tasenba nung Jenny Lewis aser Sonic Youth nungi Steve Shelley natia shilem agia lir.
Iba kensep nung She & Him indang classics- Marshmallow World, Mele Kalikimaka aser Run Run Rudolph yanglushiba kentema lir, ano Deschanel-i Mariah Carey indang ken ‘All I Want for Christmas Is You’-a tena lir.
Deschanel-i, “Ni iba ken teti meima liasü, ni digital keyboards medeni iba ken anganür,” ta ashi.
Zooey-isa backing vocals nung yariteptsü atema la kinüngbu, Jacob Pechenik aser jala Elsie nata studio-i jaoka liasü.