Zoook indang ‘Beatbox Pro’ BT speaker sayaogo

Rongchii 07, 2018 (Agencies): Bluetooth aser wireless accessories yangluba company ZOOOK indang Beatbox Pro Bluetooth speaker sayaogo.
Beatbox Pro ya terprangtsü luggage trolley mesüka yanglu aser digital display tem inoka yanglutsü. Iba speaker nung HQ (High Quality) amplifier inokja lir aser company meyong Xdrive mode inokja yangluba angutsü. Beatbox Pro yagi Bluetooth support asütsü aser built-in FM ka keta lir. Tanga connectivity tsütsü reprangdangra, iba bluetooth speaker nung AUX (Auxilary), USB (Universal Serial Bus) port, aser guitar atemtsüba atema slot ka inoksema yanglutsüogo.
Item features den külemi Zoook Beatbox Pro nung IR (Infrared) remote control aser ‘Karaoke’ atema wireless-mic ka inoksema yanglutsüogo. Iba speaker nungsa built-in battery ka keta lir aser battery ji khen charge asüba nung ghonda pungo tashi benshitetter.
Zoook indang Beatbox Pro ya sentsü tanak nung dang angutsü aser device jenjangji sen 17,999 alitsü.