ZRSU-i pelaba metetdaktsür

Dimapur, Monupii 10 (TYO): Civil Hospital Zunheboto nung aliba sensaker aser nüngdakbapur nem Monupii/May 9, 2018 nü Sumi Hoho nung Vice-president, Vihoshe Murru-i sen 37,000 jenjang mozü balala angadi tenla agütsüba asoshi pelar, ta Zunheboto Range Students’ Union ajanga sangdong ka nung metetdaktsü. Nüburtem ajangzüktsü aser jenjang tajungba nung ajungkettsü asoshi pai tarutsü anogotem nunga iba ama mapa tajung inyaktsü imla atar, ta kaketshirtemisa lemsatep.