Zuboni Humtsoe alima nungi pilaogo

Dimapur, November 14 (TYO): Naga tsür entrepreneur aser Preciousmelove tenzükla, Zuboni Humtsoe lar kidang sür lia Mongulbarnep angu.
Arishi küm 28 tain Zuboni ya Sematilla colony, Dimapur nung telidak liasü. Lai 2011 küm Preciousmelove company tenzük aser iba online fashion brand ajanga tetsür süoshitem, osettsüset aser teka agi yangluba oset balala ayoker.
Zuboni-i tetsürtem tashi aittsü atema mapa tajung inyakba ajiteta tawa tu Ministry of Women & Child Development, Government of India-i la nem ‘Nari Shakti Puraskar 2016’ agüja liasü.
La asüba kuliji memetet aser iba atema bushisüngdang südar.