Zubza anasa NH29 nung anentsüh alua lir

Dimapur, October 2 (TYO): Taoba anogo ananü tzünglu kanga aruba ajanga Zubza anasa NH29 nung anentsüh tulu alua lir, anungji iba lenmang melapok tashi gari mesenzütsü tenokdangba agütsür, ta PRO DEF, Kohima-i metetdaktsüogo.
Kohima aser Dimapur tsüngda senzüba gari tila ajak Tsiesema-10th Mile-Peducha adena senzütsü. Ajisüaka, osang ka magütsü tashi iba lenmang nung gari tulu mesenzüdaktsü, ta PRO-isa ashi.