Züngi Tzü Ajanga Tajangzük

Asenoki aikati züngi chinür, kechiyong iba ya tachitsü tajung aser temang atemaa junger, iba den külemi küm tepiyong angur. Züngi nung tzü peria aliba den külemi vitamin K, silica, vitamin A, vitamin C aser chlorophyll lir. Züngi tazü mesüra sor achiba den külemi züngi-tzü ajemba ajanga temang nung teyari agütsür.
Züngi tzü mapang shia ajemba ajanga natzü dak sentakba temang shilem nung lung aliba atema teyari agütsür.
Züngi tzü ajanga tajangzük anguba kar:
Temang re-hydrate südaktsür: Anogo shia züngi tzü marok kaka ajemba ajanga temang re-hydrate südaktsür aser temang nung toxins ajema kümdaktsür.
Cancer tashitak nokdanger: Mapang shia züngi tzü ajemba ajanga cancer ashitak adoktsü aliba nokdanger. Züngi nung lariciresinol, pinoresinol aser secoisolariciresinol lir koba ajanga cancer tashitak nokdanger.
Temang touzük ajema kümdaktsür: Temang touzük ajema kümdaktsünertemi züngi tzü ajemtsüla. Züngi nung low calorie lir aser tzü aika aliba ajanga temo tali aliba ajemdaktsür.
Digestion: Züngi tzü ya digestion atema junger aser tepok anüka odaktsür.
Source : Internet