Zunheboto DC ajanga sangdonger

Zunheboto, Rongchii/April 26, 2020 (TYO): Zunheboto district nung osang tejangja ka magütsü tashi tsünglanglen agüja aliba ama, dokan tem lapoktsü asoshi mapang yanglushitsür, ta Zunheboto Deputy Commissioner-i metetdaktsür.

1)   Nüngdakba osettsüset ayokba dokan ajak Hombar nungi Honibar tashi anepdang 7:00 ako nungi anüngdang 12:00 ako tashi lapoktsü asoshi melatsü.

2)   Dokan lapokba mapang dokan kiburtem aser dokan nung teyariteper ajaki tejak nembangba mask inoktsüla.

3)   Dokan-i osettsüset alitsü aoba mapang nisung ajaki mask inoktsüla aser tetsüngda itta yur lijaliyongtsüla.

4)         Assam mesüra tanga district tem nungi ak belenba maparen ajak osang tejangja ka magütsü tashi, iba osang sangdongba mapang nungi tenzüka shibangtsür, ta kasa sangdong ajanga metetdaktsüogo.