Zunheboto DC den tepila sentep sentong

Dimapur, December 15 (TYO): December 21, 2015 anepdang 11:00 ako nungi tenzüka Zunheboto Deputy Commissioner, Temsu Longkumer, NCS wadang nungi anisüngzükba tepila sentep sentong Zunheboto Town Hall nung akatsü, ta sangdong ka ajanga metetdaktsüogo.
Iba sentong nung Zunheboto ADC, Nungsangmenla Imchen-i Administrative Hq Officers tenüng nung, Outpost Administrative Officers tenüng nung Atoizu ADC, Hito Sema-i aser CMO, Dr. Hokishe-i DPDB züngsemtem tenüng nungsa jembitsü.
Ano pa den tepila sentep sentong nung Sumi Hoho, Sumi Totimi Hoho, ZTGBA, District Sports Association aser IRCS loktitem nungia o jembitsü renema lir.
Deputy Commissioner, Temsu Longkumer den tepila sentep sentong nung SDO (SADAR), Warren Holohon menden buba asütsü, ta kasa sangdong ajanga ashi.