Zunheboto DC-i sangdonger

Zunheboto, Yimpoksüi/Nov. 23 (TYO): Zunheboto Deputy Commissioner, Shanavas C, IAS-i sangdong ka ajanga ali kiburtem/other governmental/non-governmental agencies dang, Nagaland Land requisition & acquisition Act 1965 nung Arrla 9 (2) kübok Chakabama Zunheboto Road (SARDP-NE) 2 lane lenmang yanglutsü atema compensation agutsüba tesem nung (iba sangdong agutsüba anogo nungi tenzüka) ita ka tsüngda kiojen, süngdonglidong (plantations), ango tzübo aser tanga kiojen balala azüngtetjang, ta metetdaktsüogo, ta yashi ketdangsertem osang ka ajanga metetdaktsü.
DC-isa, iba mapangji süir sülenbo kecha sangdong magütsüi Chakabama Zunheboto Road (SARDP-NE) 2 lane lenmang yanglutsü atema National Highways & Infrastructure Development Corporations Limited (MoRTH)-i aliji agiadoktsü, ta metetdaktsü.