Zunheboto DCC-i NPCC Tir, K Therie dang pelaba sangdonger

Zunheboto, September 05 (TYO): NPCC Tir, K Therie-i Capt. GK Zhimomi NPCC General Secretary shimba atema Zunheboto District Congress Committee-i pa dang pelar, ta tanü Zunheboto DCC Tir, Hoveto Kiba aser tongti tezülur, Hutovi Awomi nati sangdong ka ajanga metetdaktsü.
“DCC Zunheboto-i Tir dang kangasa pelar. 2013 küm May ita nungi tenzüka Capt. GK Zhimomi-i Chairman Media Cell NPCC kanga nendaka inyaka liasü, aser tang khuret tali agütsüba sülena pai party atema tajungtiba agi inyaktsü aser tarutsü nung jenjang tajungba alangzüktsü, ta onoki tamang akar,” ta kasa sangdong ajangasa metetdaktsü.