Zunheboto district nung gutka aser pan masala nokdanger

Dimapur, Mongputeni/October 31 (TYO): Deputy Commissioner, Zunheboto office sangdong ka ajanga October 29 nü Gutka aser talep ana nung aleper aliba pan masala (moko aser nicotine keta aliba) ajak Zunheboto District nung ayoktsü nokdangba metetdaktsüogo. Iba tetuyuba sülen manidakertem Food Safety and Standards Act 2006, section 59 kübok merenshitsü.
Lanurtemi moko agi yangluba chiyongtsü balala achiba tali akümba aser iba nungi mepilateti akümba den lokti nung moko achiba ajanga tashidak balala bener arutsüba tali akümba reprangteta iba tenokdangba agütsüogo. Maneni 2016 küm September ita 23 nü Supreme Court interim order aser 2017 May 19 nü State Government notification vide letter no HFW-23/B/FSSA/2010(PT), koba ajanga Gutka, pan masala (moko mesera nicotine dena aliba) rizünga ayutsü, yanglutsü, lemshitsü aser ayoktsü nokdanger iba dak ajemdaker iba tenokdangba agütsüogo.