Zunheboto DPDB senden amen

Zunheboto, January 17 (TYO): Ita shia amenba Zunheboto District Planning and Development Board senden January 17, 2020 nü DC conference hall nung menogo; iba senden ya Zunheboto Deputy Commissioner aser Vice chairman DPDB, Peter Lichamo leniba nung amen, ta ketdangsertem osang ka ajanga metetdaktsü.
Senden nung Board züngsemtemi taruba Republic Day anogomong sentong atema mapalem dak sendakba o lemtepa liasü.
EAC Headquarter N. Nyamok Konyak-i, Zunheboto District kübok HODs ajak dang 2021 Census atema tekaraba nung enumerators aser supervisor atema staff tem tenüng agüjang, ta metetdaktsü.
DC-i district nung tekolakpur ajak dang pei nem lemzüktsüba mapa kanga nendaka inyaktsü metetdaktsü.