Zunheboto Inter-departmental badminton asayamong tembangogo

Dimapur, November 27 (TYO): 5 buba Zunheboto District Inter Departmental Badminton asayamong November 26, 2015 nü Zunheboto DC, Temsu Longkumer tetushi tejaoker süa takok ngua tembangogo.
Temsu Longkumer-i, iba asayamong ayonger tenüngsanga ashidang, ibala mesükba asayamong ayonga amongba ajanga department balala tsüngda tesendaktep tali tajungba akümer aser sangküma kasa asayamong asoshi yonga atar, ta shisem.
Tebur kija asayaba tarensen nung SDEO Aghunato nungi Inato Zhimo-i mezüngbuba aser Administration nungi Shanavas IAS-i tanabuba jenjang angu.
Tebur nisung anana ser asayaba tarensen nung Administration nungi Shanavas IAS aser Bokato nati mezüngbuba aser PWD(R&B) nungi Tokishe aser Kainato nati tanabuba jenjang angu.
Tetsür kija asayaba tarensen nung DIET nungi Inatoli aser Supply Department nungi Viholi nati mezüngbuba aser tanabuba jenjang angu.
Tan asayamong nung takok angurtem nem DC Temsu Longkumer-i, sempet aguja sentong tembang.