Zunheboto jila nung yakta plastic nokdangtsü

Dimapur, Monupii/May 23 (TYO): Zunheboto Deputy Commissioner office nung May 20 nü district task force senden ka ayongzüka menogo. Iba senden ya Zunheboto, Deputy Commissioner Shanavas C, IAS lenisüba kübok aka. Pai senden nung dena alirtem dang Zunheboto jila nung plastic amshiba nokdangtsü atema metetdakja liasü.
Senden nung onük tem benoka asadangba sülen parnoki jila kübok kibongshia nung jana tai aser takong bendanga indoktsü aser Zunheboto jila nung aliba kibong shia nem jang bendenba tepong anana agütsü, koba ka jana tai bententsü asoshi aser ka janga takong bendentsü asoshi asütsü, ta lemtet.
Jana bendanga indoktsüba, plastic tajemba amshitsü aser Sumi Baptist Church Zunheboto, Zunheboto town Sumi Baptist Church, Zunheboto town Sumi totimi hoho, Zunheboto range students union, schools aser ward council tem nem nüburtemi sanitation fee agütsütsü; Ward shia nung ward task force tentettsü aser jana indoktsü atema colony shia nung scrap dealers shimtsü; Plastic bags kong microns 50 aser iba dak tema lir item ya nokdangtsü aser plastic bags atema saru benoktsü; PET bottle tila amshiba nokdangtsü aser bottling unit ka amenoktsü aser iba atema tesem tape ka bushitsü; Sanitation fee kibong shia nungi sen 50 sarutsü koba sen 45 Zunheboto town council-i amshitsü aser sen 5 ward council-i amshitsü.