Zunheboto ketdangsertemi rü ajanga teraksa bener arutsüba tesemtem semdang

Dimapur, April 20 (TYO): Bodbarnü Zunheboto nung ketdangsertem telok kati April 18, 2016 nü Aichi Saghemi aser Naltoqa nung rü agi teraksa bener arutsüba tesemtem semdangogo.
ADC, Zunheboto, Nungsangmenla Imchen, Nodal Officer, NSDMA, L. Jonjibemo, Asst. Commandant, 12 BN NDRF, Itanagar, Ajay Bahadur, SDRF aser DPRO nungertemi Aichi Saghemi aser Naltoqa semdang aser iba mapang ADC-i GBs aser yimtsüng nung lennirtem den ajurutepa sensaksem.
April 18 aonung Zunheboto district kübok Suruhuto- Asuto areas, Akuluto aser Aghunato nung rü ajanga ki 370 shi raksatsü. Ano, Aichi Saghemi aser Akuluto nungbo alu den tsünüsenbongtsü aika raksatsü.
Nagaland State Disaster Management Authority (NSDMA)-i District District Management Authority (DDMA) ajanga takoksa angur nem tang rongdak nüngdakba teyari agütsüogo.