Zunheboto nung Ahuna Mini Hornbill Festival tenzükogo

Zunheboto, November 13 (TYO): November 12, 2019 nü Zunheboto Deputy Commissioner, Peter Lichamo-i Ahuna Mini Hornbill Festival tenzüktsüba den exhibition stalls semzüktsüogo, ta ketdangsertem osang ka ajanga metetdaktsü.
DC-i ajak den Ahuna benjung salem lemsatepba den külemi mezüngpurtemi iba tepor tajung benjung tenzüktsüba atema pelaba shisem.
Ahuna ya Sumi nungeri aluruba sülen amongba benjung ka lir. Iba benjung ya mongpu nung alu aruba sülen tenüngsang agütsüba aser Küm tasen atema temoatsü meshiba benjung ka lir.
Iba benjung dak sendakba nung Ahuna Kibe (Ahuna atema sorochokba) aser sobaliba saisapong tetoktepba agia liasü.