Zunheboto nung Census training agi

Dimapur, Metsüremi/March 12 (TYO): Zunheboto jila kübok DC indang conference hall nung March 11 aser 12, 2020 anogotem nung Houselisting, House Census aser National Population Register indang district level training agia liasü.
Iba sentong tenzükba mapang DC Zunheboto, Peter Lichamo-i ashiba agi, iba census ya kanga tongtibang lir, kechiaser iba maparen ya küm 10 nung ang khen inyaker.
Zunheboto district kübok iba sentong nung dena alir administrative officer ajak dang iba maparen süoki ia agitsü aser Census 2021 atema Directorate of Census Operation Nagaland nungi ketdangsertemi agütsüba training nung shilem agitsü paisa ajungshi.