Zunheboto nung CFR training agidar

Dimapur, May 22 (TYO): May 22, 2017 nü Zunheboto Government College (ZGC) nung anogo troknü Community First Responder (CFR) tenzükogo.
Iba training ya Nagaland State Disaster Management Authority (NSDMA) den District Disaster Management Authority (DDMA), Home Guard, Civil Defense aser SDRF, Zünheboto-i yaritepa ayonga akar.
Iba training tetenzük sentong nung jembidang Zunheboto SDO (C), Vekuto Vero-i, alima tsüngsang-mopung melenshiba den külemi alima lendong balala atema renema alitsü nüngdak, ta metetdaktsü.
Paisa, training agirtem dang kanga nendaka inyaktsü mepishiba den külemi alima lendong balala atalokdang teyari nüngdakbapurtem yaritsü atema renema alitsü ayongzüka liasü.
Kasa sentong nung State Relief & Rehabilitation Officer, NSDMA, Jonjibemo Odyuo-i okila jembia liasü.