Zunheboto nung ketdangsertem den tepila sentong agi

Dimapur, Metsüremi/March 3 (TYO): Zunheboto district administration staff temi ketdangser asem atema Deputy Commissioner’s conference hall nung March 3 nü tepila sentong ayongzüka agiogo. Iba sentong ya SDO(C) Renbemo Ezung lenisüba kübok agi.
Sentong nung o jembiba mapang Deputy Commissioner, Peter Lichamo-i, outposts nung alirtem densema ketdangser teneti district toktsür aotsü, shirnoki parnok mapa kanga takok ngua inyakogo, ta ashi. Paisa, parnoki bendanga agüja inyakba aser district ajungkettsü atema teyari tulu agütsüba asoshi pelaba lemsatep.
District toktsür aoba ketdangsertem rongnungi ADC (hq.) Hito Sema, EAC (Dev) Er Mechietsho Koza aser EAC (hq) Orenthung Kikon nungeri o jembiba mapang Zunheboto district nung mapang tatsüka inyakdang kanga jangradema inyakba bilemtetshia jembi. ADC-isa, ZTC staff tem dang kanga pelaba lemsatep shirnoki teti teka amteper inyaka arudar.
Mechietsho aser Orenthung nati tangazükba ajak atema DC nem tenüngsang agütsü aser staff tem dang maneni pei mapa bendanga agüja inyaktsü ayongzük.
Maneni staffs, DBs aser ZTC tenüng nung Newto A, PA to DC Vikheho aser office superintendent (ZTC) Vihuli nungeri tepila o jembia liasü. Iba sentong ya EAC (Judl), N Nyamok Konyak-i tepela anküp o jembiba sülen tembang.