Zunheboto nung nisung 2 kahset

Dimapur, October 5 (TYO) : October 5, 2015 nikongtsütsü 3:00 ako meta Zunheboto nung India dangi miim osang belener nisung ana People’s Army of Nagaland (Naga Army) NSCN(K)-i kahsetogo.
October 4 nü parnoki temulung melemi bilemba osang belener ka apu aser pa dang asüngdangya asüdang, ano tanga nisung katia kasa mapa inyakba osang metet, ta MIP, NSCN/GPRN-i sangdong ka ajanga metetdaktsü.
India atema miim osang belenertemji coolie mapa inyakertem liasü aser tenati osang belenba ajanga NSCN züngsem aika Zunheboto aser temeket nung Indian Army-i puogo, ta sangdong nungsa shia lir.
Naga nunger yimten nüjiso atema rara nung itdangitriba mapa inyakba magizüker aser Naga nunger mesüra India senso tebendang kecha melii temerenshi kasa dang agütsütsü, ta MIP, NSCN/GPRN sangdong nungsa metetdaktsü.