Zunheboto nung tetsür chanu ka tashiyim agi raksatsür tepset

Kohima, October 28 (TYO): Zunheboto jila nung tebur kati arishi küm 11 tain tetsür tanur ka tashiyim agi raksatsür tepset, ta police-i metetdaktsü.
Tanutsülaji Bodbarnü sama aser la bushitepa aruba sülen tanü (Hokolbar) la tasümangji angu, ta osang ajanga ashi.
La tashiyim agi raksatsür tepset ta tai tonglokja aliba tebursangji ozüng tesashi agi merenshiang ta takhangba agüja tanü Zunheboto nung tanutsülar kinungertemi lungkak aita liasü.
Iba dak sendakba asoshi Zunheboto police-i ken o ka benokogo aser parnoki bushisüngdang südar, ta osang ajanga ashi.