Zunheboto, Tuensang aser Dimapur nung Teachers Day amung

Dimapur, Rongjui/September 5 (TYO): State nung tanga district tem den külemi Zunheboto district nung 57buba Teachers Day, Town hall Zunheboto nung Rongjui/Sept 5 nü ADC Zunheboto, Vekhoyi Chakhesang den külemi mungogo.
Tanü sentong nung tesayur 15 nem District Teachers’ Award agütsü. Iba sentong Chichano Ngullie lenisüba kübok aka aser St. Anthony HM Ss’ Mary Chrisaston-i temoatsü meshizüka sarasadem. Zunheboto SDEO S. Khutovi Sema-i lokti pelaa agizükba o jembi aser Immanuel Higher Secondary School Zunheboto-i welcome song aten. Maneni sentong nung DIET Zunheboto, Principal Yevito Sema-i o tatsüka jembi aser SBCZ, Sr Pastor Rev. Dr. S. Yevito Sumi-i tesayurtem atema sarasademtsü. Sunbeam School, Bethany School aser Sacred Heart School Zunheboto nungeri shilem agi. GHSS Zunheboto, Principal Emilo Patton-i tepela o jembi aser Tenyimia Baptist Church Pastor, Vechulo L. Doulo-i sarsademer sentong tembang, ta DPRO Zunheboto-i sangdong ka ajanga metetdaktsü.
Kasa anogo Tuensang nunga GHSS Auditorium nung iba sentong kanga takok ngua agiogo, aser iba sentong nung CBLT ES, Rev. Achu Chang tongti o jembir liasü.
Sentong nung o jembidang pai tesayurtem tenüng asangba den tesayurtemi lokti ajungkettsü asoshi nükjidong yur tebendang melei tasayuba shidak agütsüstsü asoshi ajungshi.
Tanü sentong Tenyimi Baptist Church Tuensang Pastor, Sentilo Seb-i temoatsü meshizüka sarasademer tenzük. Lokti pela agizükba o Tuensang SDEO, Sr. Dominic-i jembi. Tesayur nem tetushi agütsüba sentong Trinity Academic School-i agi aser St. John School Tuensang-i tesayurtem Felicitat asü. Maneni Mt. Carmel school-i temeja ken ka aten aser award angurtem tenüng nung Loyem Memorial School Head Master, Debashish Deb-i jembi. Wela Foundation School-i Special presentation ka asü aser AEO Tuensang, Chubasashi-i tepela o jembi, ta DPRO sangdong ka ajanga metetdaktsü.
Maneni Dimapur Center NIITians-i ayongzüka teachers’ day Rasemnü mungogo. Imlimongla Jamir lenisüba kübok iba sentong aka aser Bokatoli Kinimi-i temoatsü meshia sarasadem.
Sentong nung o jembidang NIIT Dimapur, Director, Ajay Sethi-i tesayurtem tenüng asang.
Lungdsuo Mozhui, Tech mentor aser Marion Rongmei na lucky draw asayaa King aser Queen shim. Kekhrieneinuo aser par medemertemi ken ka aten aser NIITians tenüng nung Nancy Shukla-i o jembi. maneni Kedibam-ia ken ka aten aser iba sülen fashion show liasü. NIITians aser faculties tem tsüngda dumb charade asayaa liasü, ta Daniel Changkiri-i sangdong ka ajanga metetdaktsü.