Zverev-i St. Petersburg takok marok agizükogo

St. Petersburg, September 26 (Agencies): Germany nunger tennis asayar, Alexander Zverev-i US Open champion, Stan Wawrinka final asaya nung tsükdakja, Saint Petersburg Open tebur singles takok marok yashi, Deobar nü agizükogo.

Arishi küm 19 tain Zverev-i minute 39 nung points 6-2 ngua, Switzerland nunger Wawrinka madak 1  buba set akok saka Wawrinka-i break point 2 tashi ajangzüka, points 6-3 agi 2 buba set nung takok angu.

Tesülen, takoker shimtsü asaya, 3 buba set nung arishi küm 31 tain Wawrinka-i break point 1 ajangzüka, kanga meranga asaya saka Zverev-i break point 2 tashi ajangzüka, points 7-5 agi takok nguadokba yong pai takok marok agizüktsü maongka ngua liasü.

Tan takok anguba ya Zverev-i tan mezüngsüa ATP tebur singles takok marok agizüker lir.

Ano külen, Britain nunger Dominic Inglot aser Finland nunger Henri Kontinen natia points 6-3 6-0 agi Russia nunger Konstantin Kravchuk o Andrey Kuznetsov na final asaya nung tsükdakja, tebur doubles takok marok agizüka liasü.