Zverev o Kohlschreiber na final asayatsü

Munich, Monupii 05 (Agencies): ATP (Association of Tennis Professional) Bavarian International asayamung Küptoknü (Saturday) tebur kija asaya nung Germany nunger defending champion Alexander Zverev-i South Korea nunger Hyeon Chung madak straight set agi takok ngua final tongtetogo.
Seed temaba nung alisang Zverev-i asaya nung 7-5, 6-2 agi koka liasü. Iba asaya ghonda ka sür minute 31 nung tembang. Zverev-i asemben tashi merangba nung Chung madak mezüngbuba takok nguogo.
Arishi küm 21 tain Zverev-i taoba Munich asayamung nung takok ngur alisang külem asayar Germany nunger Philipp Kohlschreiber den final asayatsü janagjaogo.
Kasa asaya tanga ka nung arishi küm 34 tain Kohlschreiber-i külem asayar Germany nunger Maximilian Marterer madak 6-2, 6-4 agi kokogo. Iba asaya ghonda ka dak tera tali agia tembang. 2007, 2012 aser 2016 küm nung Kohlschreiber-isa Munich title ngutetta lir.
Zverev o Kohlschreiber na Amungnü (Sunday) final asayatsü.