Dimapur, July 27 (TYO) : P & AR Department-i agizükba sülen Nagaland Angh-i Dr. Toshimanen Ozukum Additional Director, Directorate of Municipal Affairs nung “Head of Department” inyaktsü temelaba agütsüogo. Directorate of Municipal Affairs nung officers aser staff tem indang cadre management mapa metembang tashi pai iba mapa inyaktsü aser iba ya Chief Secretary, Nagaland-ia mulunga […]
Dimapur, July 26 (TYO) : August 1, 2015 nü Senden Lenden, Süngratsü nung Tsüngremmong benjung amungtsü aser iba benjung nung tongti tesemdangerji Nagaland chief minister, T R Zeliang asütsü. Iba benjungmung nung Süngratsü nunger ajak arua adentsü pelashishia jaoker ta Süngratsü village council-i sangdong ka nung metetdaktsü. Iba benjungmung nung Geology & Mining Parliamentary Secretary, […]
Tokyo, July 27 (Agencies): Alima ajunga nung naro tulutiba, ‘Amorphophallus Titanum’ küm 5 sülen Tokyo yimti nung tanaben apongtsü tenzükogo. Feet 6.5 talang naro ya Tokyo kübok Chofu nung tentetba Jindai Botanical Gardens nung tanaben apongtsü tenzükba sülen Japan nunger aser raliwalirtemi iba naro reprangtsü asoshi kanga dang lungsoa iba atsüki-i aoba osang jangjaogo. Ajisüaka, […]
Dimapur, July 27 (TYO) : Dimapur District Table Tennis Association (DDTTA)-pur Sanen Luden July 28 (Tuesday) nü Indoor Stadium, Dimapur tesem nung nikongtsütsü 3 ako nungi senden alitsü sangdong ka janga metetdaktsüogo. Anungji, ketdangpurtem aser Sanen Luden züngsem ajak iba senden nung atentsü mepeshia DDTTA, Tongti zülur, Dilip Sharma ajanga kasa sangdong nungjisa metetdaktsüogo.
Dimapur, July 27 (TYO) : Tetemjen IAS ketdangser aser Aor rongnung mezüngpur, LL Yaden alima nungi pila aoba atema temulung züreper, ta Minister Nuklutoshi-i sangdong ka ajanga metetdaktsü. Pa akümli toktsür aobaji Naga nunger asoshi takoksa ulura aser asen lokti nung taküm bendanga agüja inyaker ka akoksaogo. Tanü lanurtemi asen lennir asür LL Yaden-i inyakba […]
Beijing, July 27 (Agencies): China-i alima ajunga nung tulutiba radio telescope tembanga yanglutsü merangba osang angazükogo. US nung tentetba National Aeronautics & Space Administration (NASA)-i par Kepler anünglak telescope amshia meimchir aliba alima mesükba alima tasen ka bushitetba sülen China-ia alima tanga nung nisung ama taküm aliba osang bushitettsü nükjidong nung par telescope ya tekaraba […]
New York, July 27 (Agencies): Seattle, USA nung tetsür ka tebu den küm talangka majurutepi pilar aliba Facebook ajanga ajurutepogo ta media ajanga metetdaktsü. Tina Gomez-i la noksa ka Facebook nung enoktsür tebu den ajuruteptsü yariang, ta Facebook amshirtem dang mepishia liasü. Lai Facebook nung enoktsüba noksa ngur külen tebur kati la dangi phone asü. […]
Dimapur, July 27 (TYO) : Mokokchung Deputy Commissioner office nungi agütsüba Arms License holder ajaki August 20, 2015 matongdang date of birth, House numbers, contact number, occupation amala temettsütem DC office Arms Branch nung agüjang, ta Mokokchung DC, Sushil Kumar Patel-i metetdaktsü. Iba tetuyuba ya Arms License (NDAL) atema National Data base yanglutsü atema lir […]
New Delhi, July 27, 2015 : CPI-M nung Tongti Tezülur Sitaram Yechury-i tesüiba Ato Kilonser HD Deve Gowda aluyimertem atema lumiba mapang ajurutepba noksa nung angur. New Delhi, July 27 (Agencies): Agriculture Minister Radha Mohan Singh-i aluyimer tem asüba nung ken o mekümdangi jembiba nung ajemdaker Left party aser Janata Parivar teloki, Singh, tatar nungi […]
Britain Ato Kilonser, David Cameron (Abelen) aser Indonesia Tir, Joko Widodo nati Jakarta kübok Presidential Palace kilung nung teka amtepba ajuruba noksa nung angur. (Jakarta, July 27). Jakarta, July 27 (Agencies): Indonesia nung nungdakba ki o jen yanglutsü aser iba amala maparen nung yariteptsü nükjidong nung Britain-i par pound sen billion 1 tashi aputsütsü renemba […]