Dimapur, June 18 (TYO): Dimapur aser Kohima tsüngda 4-lane mapa inyakba contractor tem indang osettem rongdoktsütsü amokmeren ta osangkakettem nung sangdongaka, NSCN-IM tsütsü nungi iba dak sendakba osang kecha malinung ACAUT Nagaland-i iba nung NSCN-IM züngsemtem dena lir ta bilemer. Ajisüaka, ACAUT Nagaland-i NSCN-IM nem anogo asemnü tsüngda telangzübatem agütsütsü atema mapang atakzüktsür, ta Media […]
Dimapur, June 18 (TYO): Central Nagaland Tribes Council (CNTC)-i state sorkar dang tejak mereprangi mesüra temulung nung kecha meyui, state ajungalen kasa terenlok mapa inyakang ta mepishia metetdaktsü. June 17, 2017 nü Tourist Lodge Dimapur nung CNTC executive council-i unit asem – Ao Senden, Sumi Hoho aser Lotha Hoho ketdangpurtem den külem senden ka amen. […]
Coimbra, June 18 (Agencies): Portugal nung morok mi lendong adokba ajanga tanur pezü densema nisung 62 taküm sama, ta sorkar ketdangser ajanga ashi. Coimbra nungi south-east tsütsü kilometre 50 orr aliba, Pedrogao Grande tesem nungi ajentsü merangba mapang asür timba liasü, ta Portugal sorkar ajanga ashi. Iba morok mi anendaktsütsü asoshi firefighter aika tesem balala […]
Kabul, June 18 (Agencies): Afghanistan anüdoklen aliba Gardez yimti nung police headquarter kati Taliban telungpurtem ia amakba mapang police tanishir pongu asü, ta Afghan interior ministry osang ajanga ashi. Deobarnü iba kasa lendong nung police tanishir 9 aser civilian 13 yiru, ta Paktia province police tekolakba indang odongtar, Sardar Wali Tabasim-i osangbener dang ashi. Iba […]
Shada, June 18 (Agencies): Saudi Arabia-i aniba teloki tayimtsü amshia northern Saada province nung shishilembadak tesem ka amakba mapang Yemen nunger civilian 25 tepset, ta iba tesem nung aliba ketdangser ajanga ashi. Saudi arrtsü anasa aliba Shada district nung al-Mashnaq shishilembadak tesem nung tayimtsü ajanga Deobarnü anaben amak, ta Saada nung Houthi indang health department […]
Cario, June 18 (Agencies): Egypt yimtiba, Cairo tezülen aliba Maadi tesem nung lenmang anasa bomb ka apokba lendong nung Egypt police ka asü aser pezü yiru, ta sorkar sangdong ka nung ashi. “June 18 anepdang 12:45 meta Central Security Forces indang gari ka nung police tanishir kar mener aoba mapang lenmang nung yuja aliba bomb […]
Mokokchung, June 18 (TYO): Mon, Longleng, Mokokchung, Tuensang aser Zunheboto district tem nungi NCC Cadets Boys (Junior & Senior Division) Annual Training Camp June 16, 2017 nü CRPF Barracks DEF Camp, Mokokchung nung tenzükogo. Iba traning nung Cadets 423-i shilem agia dendar, aser cadets ji FAC Mokokchung, Sao Chang College Tuensang, Govt College Zunheboto aser […]
Dimapur, June 18 (TYO): Central Institute of Horticulture (CIH), Medziphema den District Horticulture Office, Phek senteper Phek district atema aluyimertem asoshi anogo pongunü training Chetheba Village nung ayonga akaba sülen May 30, 2017 nü tembangogo. Iba training tetenzük sentong nung tongti tesemdanger Vety. Asstt. Surgeon, Chozuba, Dr. Menguzenuo Chielie-i nisung aser shiruru naprong atema horticulture […]
‘Temeli tashi nung tasüba mesüra taküm keta lir; aser shiri ibai meimer pai iba tejang achitsü.’ A. Shin 18:21 “Nai kechi memetet iba asoshi na shisatebulu, saka nü taküm nung nai kechi metet iba amaji na lir asüng malir iba asoshi dang shisabuluang.” ta Corrie Ten Boomi ashir. Yakob 1: 23-25 nung ashir, na teinyaker […]
Dimapur, June 18 (TYO): Konyak Baptist Church Kohima (KBCK) youth department-i Honibarnü “Let the River Run” ta ser kenten sentong ka ayongzüka agi. Iba sentong ya KBCK nung agi aser IMEA award nominee James Basnet aser Melodic Voices temi shilem agi. Melodic Voices nung züngsemtemji Richard, Anguto, Yeshika, Inato, Peteroko, Thungjamo, Vilhou, Akum, Bubu, Maither, […]