August 1, 2015 nü Chuchuyimpang Baptist Arogo Christian Education Ministry tanurtemi yimdong nung yi anema sentong agia senzüdang agiba noksa angur. Chuchuyimpang, August 01 : Chuchuyimpang yimtak Chuchuyimpang Baptist Arogo Christian Education Ministry nungi tila tanur 300 shi kati “Yi Anema Rara” ta asüba Omen nung ajemdaker August 1 anepdang yimtsüng telungtet nung Yi anema […]
Mokokchung , August 02 : Nüngtugu kaket zülur aser taoba Ao Milen Yim O Zülur Wb.T. Senka Ao-i züluba “OH ALOKBA” kaket Mokokchung Town Hall nung August 1 nü Ongpangkong Kaketshir Mungdang-i Tsüngremmung ayongzükba sentong nung tongti tesemdanger Wb.Limameren Ao-i sayatsüogo. OH ALOKBA ta asüba kaket ya T. Senka Ao-i pa Ao Milen osangkaket nung […]
Coimbatore, August 02 (Agencies): Yi nokdangba onük nung August 4, 2015 nü yimtenren party kari Tamil Nadu mokdangtsü ayongzüka lir aser CPI-ia ibaji pusemogo; maneni tanü CPI-i, linük ajunga nung yi nokdangtsüla, aser iba dak sendakba nung ozüng ka latettsüla, ta khangogo. “Tamil Nadu nungi Union Minister Pon Radhakrishnan aser state nung BJP lenirtemi Ato […]
Guwahati, August 2 (Agencies): Assam nung Army aser Assam Police-i Naga nunger telungpur telok NSCN-K züngsem ka aser pa den yariteper ka puogo. Nisung ana apuba ajanga parnoki Independence Day atongtsü lia Guwahati nung kiralongraba mapa inyaktsü tasa atongba nung tetsükdaktsü ajuruogo, ta Defence otongdar kati ashi. Osang tejangja kar angazükba sülen Army aser Assam […]
Dimapur, August 2 (TYO) : August 4, 2015 nü Nagaland Women’s Voluntary Association (NWVA) pur senden ka alitsü ayongzüker, ta NWVA tongti tezülur, Mrs. K. Jakhalu-i sangdong ka nung metetdaktsü. Iba senden ya nikongtsütsü 3:00 ako nungi Working Women’s Hostel, Secretariat road nung alitsü. Anungji NWVA züngsem ajak arua adentsü mepishir, ta NWVA tongti tezülurisa […]
Kale (Myanmar) : Magway Region, Myanmar nung kümzükba maparen inyakertemi tzümetsüng agi kongshiba tesem nung aliba nüburtem den kiset shiruru dena lendong tesem nungi anienba noksa nung angur. Myanmar, August 2 (Agencies): Myanmar nung tzümetsüng tulu adokba ajanga tasüba aika jangjatsü, ta UN-i shiogo. Iba tzümetsüng tulu adokba sülen anüolen region pezübo lendong tesem, ta […]
New Delhi, August 02 (Agencies): Taoba mapang linük Tir aser asür, A P J Abdul Kalam nem akhüm agüja New Delhi nung tanü tamangba yimsü ajak nungi lenirtem sarasadema senden ka ayongzüka kaogo. Sabang ka nungi Hindu, Muslim, Khristan aser Sikh tamangba yimsü nung tekolakpurtemi sarasadema liasü. Acharya Lokesh Muni, Jainacharya aser Ahimsa tentetsang, Vishwa […]
Washington, August 2 (Agencies): India tsür Media studies nung Professor, America senso kati, Iraq, Afghanistan aser Pakistan nung US-i nisung timba tepsetba ajanga Islamic State (IS) dang nungi US tamajungba ta sangdongba sülen media aser lokti ajak nung mi senoktsü amai kümogo. “Hau, ISIS ji majung saka US tamajungba kechiba süra Iraq, Afghanistan aser Pakistan […]
Mumbai, August 02 (Agencies): Deobar anepdang yakta Mumbai anasa Vikhroli nung shiruru temeten asoshi inyaker melungtet telok, Karuna Parivar nungi züngsemtem aser police senteper SUV gari ka soter mita reprangba mapang nashi shi seret 1000 aliba apu, aser iba dak sentakba nung police-i Maharashtra Animal Preservation Act, 1995 kübok nisung pezü puogo. NGO telok nung […]
Cairo, August 2 (Agencies): Italy meyong official ki, consulate July 11 nü poksatsüba sülen North Sinai region nung Islamic State (IS) makdoktsü maparen tenzüka Egypt army temi kiralongrar 88 tashi tepsetogo. Army otongdar Brigadier General Mohamed Samir-i ashiba agi, Sinai peninsula nung item nisungtem ya July 20 nungi July 31 tashi nung tepsetba lir. July […]