“Aser nai ochiji metettsü, aser ochi jagi na nüji kümdaktsütsü.” Yohan 8:32. Tsüngremer ochibai kodanga na menokdanger; iba yagi na teti nüji kümdaktsür! Na tasü meiti lir asü? Temenen kar madak takok mengui lir asü? Lendong aketba chiyong kar lar küma lir asü? Tsüngrem indang ochibai na nüji kümdaktsütsü ta mangateti alitsü akok. Ne jakdang […]
Ochi nung parnok meshitetjang: Ne O ochi lir. Nai kechi koda alimai ni yok, yamaji Nia parnok alimai yoker. Yohan 17:17-18. Tsüngremi teti na meyokdang tama meshitettsür. Tebui nütsüng tera ana shimtet aser temeshi ochi, Pa jabaso ajanga meshitettsü. Parnok Yisu den sendaktepa ali nung ochi agi (Yn. 14:6) nütsüngtemi ochi ajanga aser osangtajung sayutsüngitsü […]
Nenok teshimetetba kin, chuba putir telok, temeshi kin, aser Tsüngrem pei agitsü purtem nenok lir. 1 Peter 2:9 Na Khristan ka, süra na Tsüngremi shimtetba putir ka lir. Chuba putir ka ama na maneni chuba dangi aotsü lemang lapokja lir. Ne taküm nung nüngdak adokra, na atema tetsüngdai air putir ka bushitsü menüngdak. Na chuba […]
Anungji nisung kar Khrista nung lira, pa tasen poktetba. Tejenbaji süiogo, ajiang, ajak tasen kümogo. 2 Korint 5:17. Yisu ne mulungi aitang ta asüngdangba agi na khristan ka maküm. Kodang na tanaben aso, na Khristan ka aküm. Yisui ashi, “Atangji Züngpung ni ne dang shidi, tanaben mesora, nisungi Tsüngrem yimli mungutettsü” (Yn. 3:3). Sarasadem ka […]
Oba, na kechi koda kü dak lir aser ni Ne dak lir, yamaji parnoka asenok dak lidakjang, anungji Nai ni yok ta alimai amangtsü. Yohan 17:21 Samaa aliba lima alangzükba mission nung Tsüngremi aiben meimchir tesendaktepji shilem ka ama jembir (Yn. 13:20; Matt. 25:40). Kuli kaji temeshi metsü, aji chirtem tajung sotettsü aser parnoki Tsüngrem […]
Saka temeshiba prokeri chichiba sempet angur. A.Shin 11:18b Asenok taküm kümzüka alitsü lemang aika lir saka temeshiba asoshi asenok sasa bendanga agütsüba nung sempet tulu agütsüba danga lemang kecha nunga mali. Asenok jenjang ajak Tsüngrem temeshiba sayutsüla aji tekümtet ajanga asenok meyong lir: asenok tebilemba temeshiba asoshi bilemba asütsüla, idangji asenoki kechi bilemer aji Tsüngrem […]
Tang, asenok dak inyakba ain amato, shibai asenoki asüngdangba aser bilemba ajak dang kanga tali inyaktsü akoker. Efesa 3:20. Tsüngrem asoshi aser Pa arogo asoshi mapa meranga inyakba agi asenoki Tsüngrem peladaktsür ta bilemer. Aji saka Tsüngremi nisung tesüngmangtsü ka yangluba nisung tejangraba agi Pa peladaktsür (T.Ken 8:3-4). Tsüngremi na ajanga inyakba mapa dang nungi […]
Kong ainkar sayutsüngi mali, nübur tesoetba mali saka shibai ozüng benshir pa temoatsüba. – A. Shin 29:18. Alimaji mangdang agi anir. Tsüngremer nübur jungkai adokba ajanga alir. Alimai nükjitong aser alizüng atongtsü bushir. Nüburtemi tulutiba aser jangratemtsü temulung asütsü bushir koba asoshi parnoki parnok taküm yutsür. Institutionsi alizüng ayur aser ibaji tongtettsü asoshi parnoki tentet […]
O Israel kidong, iba poteper amai ni ne den inyaktsü makok no? ta Kibubai ashir. Ajiang, poteper ket nung ajongli ama, yamaji nenok kü ket nung lir. Yeremia 18:6 Ner kibong dangi, ne tembar dangi, ner telok dangi aser nenok lima dangi tekümtet bener arutsü Tsüngremi metetta lir. Aji oda shirnoki Pai amshidaktsütsü mulunga pei […]
Aser shinga mesenzüba lima aser nisung shinga malidak, Ijip nungi onok anitetba Kibubaji kong lir ta parnoki tashia mashi. Yeremia 2:6. Khristan yimsü Yisu Khrista den kanga anasatepa aliba aser Pa den tesendaktep nung ainba lir. Iba yimya süpaa amshitsüba tamang tesayuba ka masü mesüra temenen paitokba masü. Tsüngremi tenyaba mapa ajakji Pa temeim Pa […]