Bangkok, August, 18 : August 17, 2015 nü Bangkok, Thailand nung Erawan Shrine anasa bomb mapok tsüngda security camera agi nisung ka T-shirt wakong sentsü semer tangoka aliba noksa Royal Thai Police otongdar, Lt. Gen. Prawut Thavornsiri tema adoka nüburtem dang sayuogo. Prawut-i ashiba agi, noksa nung aliba nisung ya Hombar aonung nisung 20 poksetsang […]
Paris, August 18 (Agencies):France ketdangsertemi Reunion asetkong, Indian Ocean nung anüng aser tzüyim telung nung Malaysia tayimtsü MH370 raksaba shilem hopta ka shi bushiba sülen joko iba bushiba anenogo, ta Mongolbar nü media ajanga ashi. Aji oda süaka asetkong nung ketdangsertemi ashiba agi parnoki teti itanga alitsü, ta osang kar ajanga metetdaktsüogo. July 29 nü […]
Washington, August 18 (Agencies): Obama-i aniba sorkari America nung China nungi ochi mashi mapa inyakertem jenoka aliba bushitsü asoshi China sorkar agent mima aita alirtem dang lendong süa lir linük tokjang ta ozüng agütsüogo, ta America ketdangsertemi ashi. America ketdangsertemi ashiba agi Beijing ‘global campaign’ inyakyim dak sentakba maparen nung ajemdaker China nungi ochi mashi […]
Johannesburg, August 18 (Agencies): South Africa anüdoklen taxi mini-bus ka apu nungi train lenmang nung lua tsüka train ka den tsüktepba lendong nung tajemba agi nisung 15 süogo, ta ketdangsertemi ashi. “Nisung ter ser pongu tashi taküm samaogo,” ta Kwa-Zulu Natal province nung health otongdar Sam Mkhwanazi-i AFP osangbenertem dang ashi. Iba lendong ya Durban […]
London, August 18 (Agencies): Britain Darwen jila nung aliba India nunger restaurant ka British tatar hoho “Tiffin Cup 2015” senpet atema tenüng benokogo, ta media ajanga metetdaktsü. Britain tatar hoho züngsemtemi iba tetoktepba sentong ya küm shia ayonga akar aser iba sentong nung Britain nung aliba Asia meyong restaurant tajungtiba nem senpet agütsür. ‘Akash Indian […]
Dubai, August 17 (Agencies): Tanü Dubai nung aliba Cricket Stadium nüng India sensotem den jembiba mapang Ato kilonser Narendra Modi-i, United Arab Emirates (UAE) Crown Prince, Mohammad Bin Zayed Al Nahyan-i India nung sen lakh crore 4.5 intoka shishilembatsü nangzükogo, ta ashidang stadium sünga aliba sensotemi kanga pela agizük. “Temulung melemtetra shingai nü den sen […]
Bangkok, August 17 (Agencies): Thailand yimtiba, Bangkok nung Hombar aonung par mapang 7:00 ako (India nung 5:30 ako) Hindu nunger tekülem ki, Lord Brahma kima bomb apokba lendong nung bendanger pezü densema tajemba agi nisung 27 poksetogo, ajisüaka iba lendong nung India nungerbo ka danga masü. Thailand nung India Ambassador-i, iba lendong nung India nunger […]
Islamabad, August 17 (Agencies): Pakistan military temi tenemlen aliba Khyber Agency anüng nungi amakdang tajemba agi kiralongrar 15 tepsetogo, ta Hombar nü ketdangsertemi sangdong ka ajanga metetdaktsü. Military temi Pakistan o Afghanistan na arrtsülen aliba Khyber Agency nung Rajgal tesem nung anüng nungi maka liasü, ta Geo News ajanga metetdaktsü. Inter-Services Public Relations ajanga ashiba […]
Thailand yimtiba Bangkok nung bomb tesashi ka apokba sülen agiba noksa angur. August 17, 2015. Bangkok, August 17 (Agencies): Hombar nü Bangkok yimti tiyong nung bomb ka apokba ajanga tasüba jenti atalokogo, ta sorkar sangdong ka ajanga metetdaktsü. Osang ajanga shiba agi, tang tashi nung nisung tasür ajak agi 27 aser teyirur 78 ta jangjaogo. […]
Jayapura, August 17 (Agencies) : Indonesia nung nisung 54 amenba tayimtsü ka tenemlen tsüokba bushitepertemi Hombarnü lendong atalokba tesemi aotsü apusogo. Iba tayimtsü ya Indonesia nunger Trigana Air indang lir aser Deobarnü Jayapura nungi apusoa aoba sülen air traffic control den tongtepratep sama. ATR 42-300 twin-turboprop tayimtsü nung passengers 49 aser crew züngsem pungu mener […]