Dubai, February 16 (Agencies) : 2117 tashi nung United Arab Emirates (UAE)-i international loktitem aser scientific rejutem den lokteper ‘Red Planet’, Mars nung mezüng yimti yanglutsü. Mars 2117 Project indang ya, UAE nung Tatong Tir aser Ato Kilonser, UAE yimsüsür, Sheikh Mohammad Bin Rashid Al Maktoum aser Abu Dhabi Crown Prince aser UAE Armed Forces […]
February 13, 2017 nü China anüolentip tsütsü anüdoklen aliba Taipei, Taiwan nung bus gari lendong atalokba tesem nung tekümzükertemi yariba noksa nung angur. Iba lendong nung nisung 32 asü. Küm 30 tsüngda Taiwan nung atalokba gari lendong rongnung ibai tulutiba lir ta Taiwan’s Central News Agency ajanga metetdaktsür. Taipei, February 14 (Agencies) : Hombar aonung […]
Colombo, February 14 (Agencies) : Tang Sri Lanka nung nisung 709,400 shi dak tsüngsarusa tesashi agi kongshia lir, ta Mongulbarnü Disaster Management Centre (DMC) sangdong ka ajanga metetdaktsü. Jila ajak rongnung Gampaha, Monaragala, Kalutara aser Trincomalee jilatem nung iba tensa agi kanga mejungi kongshia lir, ta DMC-i ashiba osangbenertemi metetdaktsü. Tsüngsarusa ajanga aluyimertem tzü peria […]
Islamabad, February 14 (Agencies) : Hombarnü Pakistan linük nungi UN atema teti züngsem asütsü asoshi foreign secretary tasen, Tehmina Janjua shimogo. Pakistan nungi iba ama mapa asoshi tetsür shimokbaji tan ya mezüng lir. January 26, 2017 nü osangbenertemi ashiba agi, iba mapa asoshi linük Ato Kilonser Nawaz Sharif-i Janjua shimtsü kanga imla liasü. Janjua-i March […]
Manila, February 14 (Agencies) : Mongulbarnü Philippine National Police (PNP) nung inyaker police tem aika Valentine’s Day nüngtem nung külemi kiyim kuli agia kibong kümogo. Quezon yimti nung parnok kiyimlatem, tetsür 21 gown temesüng semer aser tekolak nung veil mesangloker aisle-i atu. Parnok atuba mapang choir temi ken aten aser silk tula anüngsentsü sema alir, […]
London, February 13 (Agencies) : Cricket asayadang batting kanga junga atasang, Joe Root, taoba mapang captain Alastair Cook melena Hombarnü England Test cricket team atema captain shimogo aser pa melena vice-captain asütsü asoshi all-rounder Ben Stokes shim. England Cricket Director Andrew Strauss-i tena shimtsü benokba sülen England & Wales Cricket Board (ECB) mendenbuba Colin Graves-i […]
Ramallah/Gaza, February 13 (Agencies) : Israel-i Yirusalem aser Israel na nung aonung sarasadem jazükba mapang loudspeaker tem amshiba nokdangtsü bill benokba agi Palestine nunger kanga mepelar. Deobarnü sarasademtsü ayongertem (Muezzin) atema bill tasen ka benokba ajanga mosque tem nung aonung 11:00 ako nungi anepdang 7:00 ako tashi loudspeaker tem amshitsü memelar, ta osangbenertemi ashi. Palestine […]
Kathmandu, February 13 (Agencies) : India nung Rajya Sabha election agitsü aliba ajanga Kanchanpur district len aliba Nepal aser India arrtsü, tanü Hombar nikongdang nungi taruba gondha 72 tashi shibanga atar. Gaddachauki aser Bhramadev aüolen tsütsübo Deobar nikongdang nungi shibangogo aser Dodhara Chandani aser Belauri lena Hombar nikongdang nungisa shibangtsü. Uttarakhand aser Uttar Pradesh na […]
Beijing, February 13 (Agencies) : North Korea-i ballistic missile tendangba maparen China-i Hombarnü aitsüogo aser tesem nung liromedema alitsü mechi nung iba tsütsü inyaker teloktemi tenokdangba agütsütsüla ta ashi. North Korea-i UN Security Council temzüng raksaa ballistic missile tendangbaji China-i aitsür, ta Foreign Ministry atema otongdar Geng Shunag-i ashiba osangbenertemi metetdaktsü. Hombarnü Pyongyang-i ‘surface-to-surface medium- […]
Islamabad, February 13 (Agencies) : Samaa TV indang van ka maka assistant cameraman Taimur asüba lendongji onoki lir, ta shibangtsür aliba Tehreek-e-Taliban Pakistan (TTP) telungpur teloki Hombarnü tenüng agiogo. TTP otongdar Mohammad Khorasani-i, “Media-i shinga mebendanger aser onoki parnok dang iba tesemi marutsü atema aiben shiogo,” ta ashiba Pakistan osangkatet nung shia lir. Iba media […]