Dimapur, Feb.17 (TYO) : NSCN ‘U’ telok nungi nisung ana tenüng agi Major Tongpangyungtang (Tsurmen) aser Merentoshi RAO (Yimjenkimong) na NSCN-IM nung denogo ta tenati sangdong ka nung metetdaktsüogo. Tena NSCN-IM nung adenba ya Major Imkong ajanga tongtepratepa inyakba ama Hevuto Battalion nungi Naga army-tem Saring yim tonga aru saka tesasatsüka onok atongtsüba tesem matongdang […]
Dimapur, Febraury 17 (TYO): February 17, 2017 nü osangkakettem nung Zeliangrong Baudi Nagaland-i sangdong ka ajanga Tribal Hoho tem aser Nagaland nung kin balala ajak longjemer sabang ka nung ken o jembitsüla aser tang tensa ya democracy yimya nung bentettsüla, ta sangdongbaji JCC aser NTAC nati züngzünga agiogo, ta tanü NTAC Media Cell, Kohima-i sangdong […]
Dimapur, February 17 (TYO): Chümoukedima Village Youth Society (CVYS)-i nüburtem dang temzüng nung aliba ama yim telongtet nung ango apuba aser shikariba tapu ajak nokdanger, aser aibelenertem dang peii aibelenba apir senchi sen 1,00,000/- (lakh 1) tashi achitsü metetdaktsür, ta Hokolbarnnü CVYS Tir, Vikhwe Yhoshü aser General Secretary, Rokovikho Thepa nati sangdong ka ajanga metetdaktsüogo. […]
Kohima, Feb. 16 (TYO): Nagaland nung tang nübortemi akangba ama T.R.Zeliang chief minister menden nungi alutsü aser pa melen NPF tir Dr.Shurhozelie chief minister akümtsü lemtetogo ta Brehostibar aonung Parliamentary Affairs minister, Keyaneilie-i metetdaktsüogo. Iba khuretji Dr.Shurhozelie agizükogo saka menden melentepa inyaktsübajibo T.R.Zeliang Delhi nungi meyipa arur külen dang inyaktsü. Pa asüng Hokolbar nüsa meyipa […]
Mokokchung town nung Brehostibar nü mokdangba mapang agiba noksa ka yangi angur. Mokokchung, Feb 16 (TYO): Feb 13, 2017 nungi tenzüka tanü agi joko anogo pezünübuba Nagaland tesem balala den külemi Aor litsü nunga anepdang 9:00 ako nungi nikongdang 3:00 ako tashi mokdangba sentong lendong kecha mataloki tipdema tembangogo. Tanü iba mokdang sentong nung Ao […]
Dimapur, Feb. 16 (TYO) : Tang nübortemi Nagaland Chief Minister menden nungi alung ta takangba agüja mokdangba sentong nung government tenzükertemi shilem agibaji T.R.Zeliang-i aniba government anema inyaker, anungji tapet temerenshi agütsütsü ta NPF teloki amokmerena sangdongbaji taoksatsüka aser maksütsü o lir ta Joint Co-Ordination Committee-i metetdaktsüogo. “Nübortemi nenok kiburji maginer, anungji Naga nunger anemer […]
Kohima, Feb.16 (TYO): Nagaland & Arunachal Pradesh angh, Wb.P.B.Acharya tanü Brehostibar nü ajungbena Chief Minister, T.R.Zeliang anir New Delhi-i ogo. Tenati Delhi nung oagiji Union Home Minister ajurua tang Nagaland nung timtem ataloka aliba indang jembia telemtetba kar agitsü merangtsü ta angazüker. “Tang Nagaland nung government mapa meinyaktettsüsa timtem ajuruba ya nübortem longkak aitba mapang […]
Dimapur, Feb.16 (TYO) : Tang tashi nung anogo aika nübortemi timtem arema mokdangba sentong nung shilem agiba asoshi kanga pelar aser ano tang nungi ano mokdangba sentong ya akangshitsü aser aibelenertem nem temerenshi tulu agütsütsü ta Dimapur Naga Youth Front teloki metetdaktsüogo. Government ya nübortemi nübortem asoshi shimba lir, anungji NPF lenirtemi kidang atsüoka yur […]
Dimapur, February 16 (TYO): NPF-i aniba sorkar kübok NPF Central-i, sorkar mapa inyaker kari iba mokdang atema senotsü agütsür ta aitsüba aser sorkar mapa inyakertem dang tapet temerenshi agütsütsü ta amokmerenbaji kanga temenünütsüka lir, ta tanü Angami Youth Organisation (AYO) Tir, Neinguvotuo Krose aser General secretary, Kekhrie Pfukha nati sangdong ka ajanga metetdaktsü. “Iba mapatong […]
Dimapur, Feb.16 (TYO): Nisung kari Joint Co-Ordination Committee (JCC) Convenor, Wb.Subo Jamir tenüngmenüktsütsü asoshi pa aija jembibaji khenyongi tai aser magizüker ta Central Nagaland Tribes Council (CNTC) teloki metetdaktsüogo. Nagaland nung municipal aser town council election agitsüba dak aketba ken o aser maparentem ya nübortem tonga oagi angatetdakja shisalemsateptsü asoshi NBCC teyari agi government aser […]